O'zekspomarkaz, 3 va 4 pavilionlar,Toshkent, O'zbekiston 24–26 Noyabr 2026

UZ Icon Pfeil Icon Pfeil

Uzum Market: elektron savdo O‘zbekistonning asbob-uskunalar bozoriga qanday yangi imkoniyatlar yaratmoqda?

CAIHE

Mahsulotni topishdan tortib buyurtma berishgacha — bor-yo‘g‘i bir necha marta bosish kifoya. Bugungi kunda texnologiyalar nafaqat xaridorlarning odatlarini, balki savdo yuritish usullarini ham o‘zgartirmoqda. Raqamli platformalar asbob-uskunalar, jihozlar va ta’mirlash uchun mo‘ljallangan mahsulotlarni ishlab chiqaruvchi hamda yetkazib beruvchi kompaniyalarga qanday imkoniyatlar yaratmoqda?

Elektron savdo savdo sohasidagi an’anaviy yondashuvlarni jadal o‘zgartirmoqda. Endilikda xaridorlar o‘zlariga kerakli mahsulotlarni osonroq topishlari, turli takliflarni solishtirishlari va internet orqali buyurtma berishlari mumkin. Biznes uchun esa bu mijozlar bilan muloqot qilishning yangi usullari, qo‘shimcha savdo kanallari va an’anaviy faoliyat hududidan tashqaridagi xaridorlarga ham chiqish imkoniyatini anglatadi.

O‘zbekistonda ushbu o‘zgarishlarga faol hissa qo‘shayotgan ishtirokchilardan biri — Uzum Market. 2022-yil oktabr oyida Uzum raqamli ekotizimining bir qismi sifatida ishga tushirilgan ushbu marketplace 2023-yil iyul oyiga kelib, oyiga bir milliondan ortiq buyurtmani qayd etdi. Bu internet orqali xarid qilishga bo‘lgan qiziqish tobora ortib borayotganini ko‘rsatadi. Bugungi kunda elektron savdoning rivojlanishi xaridorlar bilan bir qatorda, yangi raqamli muhitga moslashishga intilayotgan tadbirkorlar uchun ham keng imkoniyatlar yaratmoqda.

An’anaviy savdodan yangi imkoniyatlar sari

Yangi mijozlarni qanday jalb qilish, savdo geografiyasini kengaytirish va mahsulotlarni xaridorlar uchun yanada qulay qilish mumkin? Ko‘plab kompaniyalar uchun buning yechimi an’anaviy savdo kanallarini internet-savdo platformalari imkoniyatlari bilan birlashtirishdan iborat.

Raqamli platformalar sotuvchi va xaridor o‘rtasidagi an’anaviy munosabatlarni o‘zgartirmoqda. Internetdagi savdo sahifasi kompaniyalarga o‘z mahsulotlari assortimentini keng auditoriyaga namoyish etish, xaridorlar e’tiborini jalb qilish va ularga takliflar bilan istalgan vaqtda tanishish imkonini beradi. Shu bilan birga, buyurtmalarni qabul qilish, saqlash va tayyorlash markazlari hamda buyurtmalarni topshirish punktlarini o‘z ichiga olgan rivojlangan logistika infratuzilmasi mamlakatning turli hududlaridagi aholiga internet orqali xarid qilishni yanada qulaylashtiradi.

Ishlab chiqaruvchilar, yetkazib beruvchilar va distribyutorlar uchun bu mahsulotlarni targ‘ib qilish va savdoni rivojlantirishga yangicha yondashish imkoniyatidir. Bunday yondashuv, ayniqsa, asbob-uskunalar, mahkamlash buyumlari, qurilish furniturasi hamda ta’mirlash uchun mo‘ljallangan mahsulotlar bozorida dolzarbdir. Chunki ushbu toifadagi mahsulotlarni xarid qilishda iste’molchilar uchun mahsulotlarning mavjudligi, keng tanlov va buyurtma berish qulayligi muhim ahamiyatga ega.

Bu asbob-uskunalar bozori uchun nimani anglatadi?

Internet-savdo platformasi asbob-uskunalar va jihozlar sohasida faoliyat yurituvchi kompaniyalar uchun samarali qo‘shimcha savdo kanaliga aylanishi mumkinmi? Texnik mahsulotlarni internet orqali qanday taqdim etish, maqsadli auditoriya e’tiborini jalb qilish va biznesni rivojlantirishda raqamli vositalardan qanday foydalanish mumkin?

Markaziy Osiyoda elektron savdo rivojlanib borayotgan bir paytda, bu savollar tobora dolzarb ahamiyat kasb etmoqda. Soha kompaniyalari uchun raqamli platformalar shunchaki yana bir internet-do‘kon yoki mahsulotlarni namoyish etish maydonchasi emas. Ular mahsulotlarni targ‘ib qilish, mijozlar bilan ishlash va bozordagi ishtirokini kengaytirish strategiyalarini qayta ko‘rib chiqish imkonini beradi.

Aynan shu jihatdan Uzum Market tajribasi soha mutaxassislari uchun alohida qiziqish uyg‘otadi. Ushbu tajriba zamonaviy internet-savdo platformalari an’anaviy mahsulot yetkazib berish va tarqatish kanallarini qanday to‘ldirishi, shuningdek, raqamlashtirish O‘zbekistonning asbob-uskunalar bozori uchun qanday yangi istiqbollar yaratishini o‘rganish imkonini beradi.

2026-yil 25-noyabr kuni Central Asia International Hardware Expo (CAIHE 2026) ko‘rgazmasining biznes dasturi doirasida Uzum Market ekspertlari platformaning imkoniyatlari va uning biznes uchun salohiyati haqida so‘z yuritadilar. Bu elektron savdo bo‘yicha amaliy bilimlarga ega bo‘lish va raqamli savdo kanallari kompaniyalarni rivojlantirish strategiyasining muhim qismiga qanday aylanishi mumkinligini bilib olish uchun ajoyib imkoniyatdir.

Sana: 2026-yil 25-noyabr

Vaqt: 16:00–16:20

Joy: Atrium 2, 3- va 4-pavilonlar, «O‘zekspomarkaz» MKK, Toshkent, O‘zbekiston

Batafsil ma’lumot: www.uzum.uz

Central Asia International Hardware Expo (CAIHE) - 2026-yil 24–26-noyabr kunlari Toshkent shahrida bo‘lib o‘tadigan xalqaro B2B ko‘rgazmasi. Ko‘rgazma asbob-uskunalar, mahkamlash buyumlari, texnik jihozlar va turdosh mahsulotlar sohasidagi ishlab chiqaruvchilar, yetkazib beruvchilar hamda professional ishtirokchilarni bir maydonda birlashtiradi. Ko‘rgazmaning biznes dasturi tajriba almashish, ekspertlar bilimidan foydalanish va xalqaro hamkorlikni rivojlantirish uchun qo‘shimcha imkoniyatlar yaratadi.


Aloqa

  • Ms. Zoey Yue
    +86-21-6390 6161 ext. 828
    zoey.yue@koelnmesse.cn

    Mr. Edward Gao
    Tel: +86 10 6590 7766-765
    Fax: +86 10 6590 6139
    Edward.Gao@koelnmesse.cn